Nan lesson saa nou pral aprann ansanm kijan pou nou fè konstriksyon anba bwat ruch la
Espesfikasyon
Epesè bwa nap itilizé: 3/4″
Pa blyé bwa preferé nap sèvi se bwa pen oswa bwa sèd.
Dimansyon jeneral ki aliyen ak dimansyon bwat kouvay la:
Longè: 19 7/8″
Lajè: 16 1/4″
Pis aterisaj: 16 1/4″
Etap pou konstriksyon an
Chwazy yon materyèl apwopriye ak yon epesè 3/4″ bwa preferé nou nan Haiti myèl se bwa pen oswa bwa sèd men ou kapab itilize plywood si ou vlé.
A: Sou kote long pou bare atè anba bwat la: 2 moso 19 7/8″ x 2 1/2″ x 3/4″
B: Dèyè atè ya: 1 moso pou bare dèyè atè ya 3/4″x 2 1/2 x 16 1/4″
C: Atè anndan bwat la: Koupe moso bwa pou rive a yon dimansyon 3/4" x 19 3/4" x 15 1/4"
D: Atè anndan bwat la: Koupe moso bwa pou rive a yon dimansyon 3/4″ x 1 3/4″ x 15 1/4″
Rasanble moso yo pou fòme yon bwat rektangilè, itilize lakòl pou kole bwa yo, vis oswa klou 1 1/2″ (pous) pou taché 2 moso sou koté yo épi tache moso dèyè ya.
Pis Aterisaj E
Pis aterisaj la mezire: 2 1/4″ x 16 1/4″ x 3/4″
Tache pis aterisaj la devan ruch la. li pa oblije panche jan li parèt nan desen yan pou fasilité atachman sou bwat ruch la.
Itilize yon sable ki gen grenn mwayen (80) pou sable kwen yo ak sifas yo pou fini lis,
Opsyonèl: aplike yon veni oswa penti latex sou deyò a pou ruch la ka dire pi lontan.
Antre a pasaj redwi (Reduktè) E-1
Yon reduktè antre pou yon ruch se yon aparèy apikiltè itilize pou kontwole grosè antre ruch la. Li sèvi pou plizyè rezon, tankou ede myèl yo defann ruch la kont entrigan, kontwole tanperati anndan bwat la ak anpeche lòt myèl deyò vinn volè siro nan ruch la.
Dimansyon
Nap bezwen yon planch ki mezire 1 x 3, sa vle di li se yon pous epè 3 pous lajè. Dimansyon espesifik yo se 3/4″ x 7/8″ x 16 1/4″ men kijan ou ka konprann mezi sa yo:
Epesè: 3/4″:
Lajè: 7/8″
Longè: 16 1/4″
Pou kreé reduktè ya wap koupe planch yo sou mezi sa yo epi wap kreé yon pant nan yon bò. antre a pasaj redwi ya ede myel yo defann ruch la espesyalman pandan peryod vilnerab ruch la “lè pa genyen anpil flè pou fè siro”
Men rezilta aprè tout mòso yo rasamble
Ann Gade Systèm Ruch Langstroth la an antye lèl fini, se kad yo selman ki manke laa
Sonje byen ke apikòl enplike atansyon sou bezwen ak konpòtman myèl yo. Yon reduktè se yon zouti pratik pou jere anvironman ruch la.
Two (3) mwayen pou genyen yon ruch:
- Fè ruch la pou kòw: wap telechaje enstriksyon yo epi swiv tout mach a swiv yo.
- Bòs Ebenis oswa bòs chapant: wap telechaje enstriksyon yo epi wap bay bòs ou chwazi ya pou fèl pou ou. Si ou ta vle sipòte yon fanmiw oswa yon zanmiw oswa ou vle fè yon don a yon mounn, pou ede li koumanse pwogram saa, printe tout leson yo epi bay yon bòs fèl pou li.
- Achte ruch la tou fèt: Si ou ta vle sipòte yon fanmiw oswa yon zanmiw oswa ou vle fè yon don a yon mounn, pou ede li koumanse pwogram saa ale sou lyen saa pou achte yon ruch komplè
Konsèy sekirité:
- Toujou mete ekipman sekirité apwopriye, tankou linèt sekirité clike LYEN SAA pou wè plizyè linèt sekirite ak gan lè wap koupe ak rasanble materyèl yo.
- Sevi ak zouti apwopriye pou koupe é fikse materyèl yo, epi swiv direksyon sekirite pou chak zouti.
Remark: Gid senplifye sa a asimé ké ou genyen konesans de baz nan travay bwa. Si ou pa abitye travay ak bwa, li rekomande pou chache konsèy nan men yon moun ki genyen konesans nan travay bwa pou asire sekirite ak teknik konstriksyon apwopriye.
Nòt: ou kapab peye yon bos chapant oswa yon bos ebenis pou reyalize pwoje saa pou ou.
Siw gen kesyon pa blye kontakte nou
Nou ka ede nenpòt mounn konstwi yon bisnis kap fè siksè sou entènèt la
